Það kom upp villa senda inn  Áfangi

    Áfangi Nánari upplýsingar


    Búið til: 1486974969.59

    Hugmynd og hönnun
    NÝFR2HH05
    2
    Nýsköpun og frumkvöðlafræði
    Hugmynd - hönnun
    Samþykkt af skóla
    2
    5
    Markmið áfangans er að nemandinn kynnist aðferðafræði og hugmyndafræði nýsköpunar og fái tækifæri til vinna með eigin hugarsmíð. Farið er í gegnum ferli sem byggir á að vinna á skapandi hátt hugmyndavinnu þar sem skilgreind er þörf, unnið að lausnum og stefnt að afurð. Markmiðið er að nemendur þjálfist í að hugsa um marga þætti samtímis og að vinna að einni heild. Vinnuferlið frá hugmynd til verks verður þjálfað með áherslu á skapandi vinnubrögð í skissum og margs konar hönnun og líkanagerð með ýmsum efnum. Nemandinn kynnir verkefni sín og rökstyður lausnirnar.
    Nemandi skal hafa öðlast þekkingu og skilning á:
    • hugtakinu nýsköpun
    • mikilvægi hugmyndafræði og hugsunarháttar frumkvöðulsins
    • aðferðafræði og vinnuaðferðum nýsköpunar
    • ferli þar sem skilgreind er þörf, unnið að lausnum og stefnt að afurð
    • gildi hugmyndavinnu
    Nemandi skal hafa öðlast leikni í að:
    • greina hugmyndir sem falla undir nýsköpun
    • vinna með sínar eigin hugmyndir og hrinda þeim í framkvæmd
    • hugsa um marga þætti samtímis og að vinna að einni heild
    • vinna í hóp að sameiginlegu markmiði
    • velja viðeigandi verkfæri og tækjabúnað með tilliti til viðfangsefnis
    • kynna hugmynd sína og rökstyðja gildi hennar
    Nemandi skal geta hagnýtt þá almennu þekkingu og leikni sem hann hefur aflað sér til að:
    • þróa eigin hugarsmíð með ýmsum aðferðum og leysa þau vandamál sem koma upp í ferlinu
    • skilgreina þörf og vinna að lausn frá hugmynd til afurðar
    • koma hugmynd sinni á framfæri með skissum og líkönum úr mismunandi efnum
    Námsmat er útfært í kennsluáætlun í samræmi við skólanámskrá.