Nemendur læra að klippa og hljóðsetja myndbönd og nota til þess ýmis tölvuforrit sem tengjast myndbandagerð og hljóðvinnslu.
Áhersla er lögð á samvinnu, vinnuferli og gagnrýna hugsun.
Nemandi skal hafa öðlast þekkingu og skilning á:
því hvernig tví- og þrívíðar hreyfimyndir og myndbönd eru unnin
því hvernig vinna má með fjölbreyttum aðferðum í klippiforriti, myndvinnsluforriti og forriti til hreyfimyndagerðar
vinnu fagfólks við gerð hreyfimynda og myndbanda
því hvernig vinna má fjölbreyttar upptökur með upptökuvél
Nemandi skal hafa öðlast leikni í að:
búa til hreyfimyndir og myndbönd
nota klippiforrit og skal geta nýtt sér þau í áframhaldandi námi
taka þátt í skipulagðri hópvinnu þar sem nemendur skipta með sér verkum við gerð myndbanda og hreyfimynda
ræða opinskátt um þær hugmyndir sem hann túlkar í myndböndum sínum
taka þátt í uppbyggilegum umræðum um hugmyndir samnemenda
Nemandi skal geta hagnýtt þá almennu þekkingu og leikni sem hann hefur aflað sér til að:
búa til myndbönd sem eru áhugaverð og persónuleg
fjalla um hugmyndalegan og verklegan bakgrunn verka sinna
taka þátt í uppbyggilegri og frjórri samræðu um verk sín og annarra
Námsmat er útfært í kennsluáætlun í samræmi við skólanámskrá