Í áfanganum er lögð áhersla á útivist, líkams- og heilsurækt. Áfanginn er bóklegur og verklegur og nemendur læra ýmislegt varðandi undirbúning og aðferðir til útivistar. Nemendur fara í gönguferðir þar sem ýmis verkefni eru leyst. Svo er ein stór ferð áætluð þar sem nemendur fara í skálaferð. Farið er ítarlega í undirbúning slíkrar ferðar ,þ.á.m. meðferð búnaðar og matar. Einnig fá nemendur tækifæri til að kynnast öðrum möguleikum útivistar, s.s. að útbúa ratleik og aðra leiki.
Nemandi skal hafa öðlast þekkingu og skilning á:
gildi útivistar fyrir líkama og sál
hugtakinu útivist og öðrum hugtökum sem tengjast því
skipulagningu og undirbúningi gönguferðar í náttúru Íslands
hlutverki leiðsögumanns og gildi góðrar leiðsagnar
Nemandi skal hafa öðlast leikni í að:
undirbúa og skipuleggja gönguferðir
meta eigin getu og styrk til fjölbreyttrar útivistar
skipuleggja leiki og nýta frítíma til útivistar
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja atburð/viðburð fyrir hópa
lesa í landslag og meta öryggi við útivist
átta sig á ólíkri getu einstaklinga í hóp
skilja hlutverk leiðsögumanns og fjölbreytt starf hans
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.