Þessi áfangi er hugsaður sem undirbúningur fyrir starf í íþrótta eða frístundaskóla fyrir börn á aldrinum 4-12 ára eða í íþróttastarfi/frístundastarfi hjá íþróttafélögum fyrir sama aldurshóp. Nemandinn mun setja upp æfingaáætlun í samráði við þjálfara. Hann mun síðan þjálfa með íþróttakennara/þjálfara. Æfingakennslan er metin í lok æfingakennslutímabils. Miðað er við 40-50 klst vinnu nemenda undir stjórn þjálfara yfir eina önn
ÍÞRF2ÞJ05 og hafa lokið a.m.k tveimur íþróttagreinaáföngum. Æskilegt er að nemandi taki áfanga á útskriftarönn
Nemandi skal hafa öðlast þekkingu og skilning á:
grunntækni í ýmsum íþróttagreinum
þjálfunaraðferðum
skipulagi þjálfunar
Nemandi skal hafa öðlast leikni í að:
bregðast við óvæntum aðstæðum sem geta komið upp í þjálfun
eiga samskipti við foreldra/forráðamenn barna
nálgast börn á jákvæðan og hvetjandi hátt
stjórna þjálfun í grunnþáttum íþróttagreinar
halda uppi góðum aga og virkni í æfingatímanum
Nemandi skal geta hagnýtt þá almennu þekkingu og leikni sem hann hefur aflað sér til að:
geta þjálfað og leiðbeint börnum án aðstoðar
geta útbúið áætlanir (tímaseðil, vikuplan, mánaðarplan, ársplan)
takast á við vandamál sem geta komið upp
Áfanginn er verklegur og þurfa nemendur að uppfylla vinnuskyldu að fullu. Til að standast áfangann þarf að standa skil á öllum verkefnum (áætlanagerð, tímaseðlar, skýrsla og dagbók).