Áfanginn er samvinnuverkefni leiðsögulennara og nemenda á almennri námsbraut. Fjallað er um þann mun sem er á námi á grunnskóla – og framhaldsskólastigi og þá auknu ábyrgð sem fylgir því að vera komin í framhaldsskóla. Farið er ítarlega í þá list að búa á heimavist og taka þátt í því nána sambýli sem því fylgir.
Engar
Nemandi skal hafa öðlast þekkingu og skilning á:
Sögu og sérstöðu Framhaldsskólans á Laugum
Því að stunda nám í framhaldsskóla og efla námsvitund
Þeirri ábyrgð sem fylgir því að búa í heimavistarskóla og stunda þar nám
Þeirri þjónustu og aðstoð sem í boði er, bæði í skólanum og næsta umhverfi hans
Mikilvægi þess að taka þátt í skólastarfinu, bæði í námi og leik
Nemandi skal hafa öðlast leikni í að:
Greina stöðu og kosti Framhaldsskólans á Laugum
Nýta sér námsframboð skólans og þá aðstoð sem í boði er
Meðtaka og sýna aukna ábyrgð sem nemandi í heimavistarskóla
Bera sig eftir þátttöku í félagslífi skólans
Nemandi skal geta hagnýtt þá almennu þekkingu og leikni sem hann hefur aflað sér til að:
Taka þátt í skólastarfinu og verða góður skólaþegn
Öðlast þá menntun og reynslu sem hugur hans stefnir að
Vera öðrum til fyrirmyndar í umgengni við muni og menn
Þroska og efla hæfileika og getu í námi og félagsstörfum
Verða góður skólaþegn
Í áfanganum er símat alla önnina. Öll verkefni, dagfar, viðvera, ábyrgð og þátttaka í starfi er metin til einkunnar.