Farið er yfir mikilvægi þess að allir nemendur finni fjölina sína í lífinu og fái að blómstra og njóta mismunandi hæfileika sinna. Markvisst er leitað að styrkleika hvers og eins og nemendur hvattir til frumkvæðis og sköpunar í starfi og leik. Mikið er lagt upp úr viðveru nemenda og heilbirgðu líferni til líkama og sálar.
Engar
Nemandi skal hafa öðlast þekkingu og skilning á:
Því hvað við köllum lífsleikni
Mikilvægi heilbrigðs lífernis
Heilsueflandi framhaldsskóla og verkefnum hans
Samskiptum og samkennd
Aukinni ábyrgð sem nemandi og þjóðfélagsþegn
Nemandi skal hafa öðlast leikni í að:
Meta mikilvægi lífsleikni sem námsgreinar á framhaldsskólastigi
Meta gildi þess að lifa heilbrigðu og reglusömu lífi
Greina og meta þátttöku eigin skóla í verkefninu Heilsueflandi framhaldsskóli og leggja því lið
Miðla og gefa af sér í samskiptum og samkennd skólasamfélagsins
Nemandi skal geta hagnýtt þá almennu þekkingu og leikni sem hann hefur aflað sér til að:
Taka þátt í almennum umræðum um hin ýmsu málefni
Lifa heilbrigðu líferni og styrkja líkama og sál
Taka þátt í þeim verkefnum á vegum Heilsueflandi framhaldsskóla sem skólinn leggur upp með hverju sinni.
Sýna af sér ábyrgð og góð samskipti í hvívetna
Í áfanganum er símat alla önnina. Öll verkefni, dagfar, viðvera, ábyrgð og þátttaka í starfi er metin til einkunnar.