Í áfanganum kynnast nemendur samrásum og virkni þeirra. Samrásir sem skoðaðar verða eru m.a.: samlagningarrás, samanburðarrás, kóðabreytir, línuveljari, teljari og hliðrunarsérminni. Virkni lása og vipna er krufin svo og samfasa og ósamfasa teljara. Lögð er áhersla á verklegar æfingar og verkefnavinnu þar sem nemendur tengja og prófa rásirnar á tengispjöldum ásamt því að teikna þær og prófa virkni þeirra í hermiforriti.
Tölvutækni er notuð við verkefnavinnu og skýrslugerð. Nemendur læra að setja upp og viðhalda einföldu blogg vefkerfi. Lögð er áhersla á flokkun efnis og leit að gögnum í vefkerfi.
MEKV1ST03
Nemandi skal hafa öðlast þekkingu og skilning á:
virkni helstu samrása
virkni helstu lása og vippna
virkni helstu púlsgjafa
eiginleikum einfaldra bloggkerfa
Nemandi skal hafa öðlast leikni í að:
beita mælitækjum við að prófa rökrásir
beita hermiforritum til prófunar á rökrásum
forma færslur í bloggkerfi
Nemandi skal geta hagnýtt þá almennu þekkingu og leikni sem hann hefur aflað sér til að:
hanna samfasa teljara
flokka og vista gögn og tilvísanir í miðlægu vefkerfi
ritstýra eigin vefkerfi
tengja samrás í hermiforriti og prófa hana
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.