Nemendur taka þátt í almennri hreyfingu bæði innan- og utandyra. Í áfanganum er farið yfir alhliða hreyfingu og heilsurækt þar sem nemendur læra mikilvægi upphitunar, þol- , styrktar og liðleikaþjálfunar. Nemendur taka þátt í verklegum æfingum sem þjálfa alla þætti grunnþjálfunar og læra aðferðir til að auka heilsulæsi. Í áfanganum er leitast við að nemendur bæti sig persónulega og finni út hvaða hreyfingarálag henti þeim.
Engar
Nemandi skal hafa öðlast þekkingu og skilning á:
mikilvægi hreyfingar og hvað hægt er að æfa líkamann með fjölbreyttum hætti
helstu þjálfunaræfingum
mikilvægi þol-, styrktar- og liðleikaþjálfun
gildi leikja til að byggja upp heilsuna
að líkaminn styrkist við að stunda hreyfingu
að hægt sé að njóta þess að stunda hreyfingu
markmiðssetningu
Nemandi skal hafa öðlast leikni í að:
taka þátt í líkams og heilsurækt sem bæta eigin heilsu
framkvæma þol-, styrktar- og liðleikaæfingar
geta unnið með öðrum við hreyfingu og heilsurækt
framkvæma æfingar á réttan hátt
nýta sér möguleika til heilsuræktar í nánasta umhverfi
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á hvaða álag í líkamsrækt henti honum best
meta stöðuna sína í þoli, styrk og liðleika
stunda æfingar og leiki sem viðhalda og bæta líkamlega getu
Námsmat er útfært í kennsluáætlun í samræmi við skólanámskrá.