Í áfanganum verður farið yfir helstu grunndvallaratriði í líffæra- og lífeðlisfræði. Farið verður yfir eftirfarandi líkamskerfi:
Hringrásarkerfið (samsetningu blóðsins, uppbyggingu og starfsemi hjartans og hringrásir blóðs og vessa)
Öndunarkerfið (byggingu og hlutverk öndunarfæranna, stjórn öndunar og loftskipti í lungum og vefjum)
Meltingarkerfið (byggingu og hlutverk meltingarfæranna og meltingu orkuefnanna)
Þvagfærakerfið (byggingu og hlutverk þvagfæranna, feril þvagmyndunar og stillingu þvagmagns)
Æxlunarkerfið (byggingu og hlutverk æxlunarfæranna, samsetningu sæðis og þroskaferil eggfrumu)
Meðganga og fæðing (frjóvgun, fósturþroski, meðganga, fæðing, mjólkurmyndun)
LÍOL2LA05
Nemandi skal hafa öðlast þekkingu og skilning á:
byggingu, starfsemi og hlutverkum hringrásar-, vessa-, meltingar-, öndunar-, þvagfæra- og æxlunarkerfis
eðliseinkennum blóðs og hlutverki þess í líkamanum
megin gerðum blóðfrumna, einkennum þeirra, hlutverki og myndunarstað
byggingu hjartans og eðli hjartsláttar
þeim þáttum sem ákvarða og stjórna blóðþrýstingi
fósturþroska og meðgöngu
Nemandi skal hafa öðlast leikni í að:
rekja blóðstreymið um hjartað
fylgja eftir flæði vessa um kerfið
rekja leið innönundarloftsins og lýsa stjórn öndunar
rekja ferli meltingarkerfis
rekja ferli kynfruma og frjóvgun eggs
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra leiðir blóðs um líkamann
útskýra ferli inn- og útöndunar
útskýra frjóvgun og fyrstu daga fósturþroskans
útskýra meltingu
útskýra fósturþroska og áhrif meðgöngu á líkama móður
Í áfanganum er viðhaft símat alla önnina. Öll verkefni gilda til einkunnar og þess vegna er mikilvægt að nemendur stundi námið reglulega.