Í áfanganum eru nemendum kynntar kröfur um hreinlæti. Nemandanum eru kynntar samstarfsreglur starfsmanna og kurteis, heiðarleg og ábyrg framganga gagnvart vinnufélögum, vinnuveitanda og viðskiptavinum. Nemanda eru kynntar allar öryggskröfur á vinnustað og mikilvægt er að hann skilji mikilvægi þeirra. Honum skal gerð grein fyrir þeim hættum sem geta verið samfara vinnu við ökutæki þar meðtalið á lyftu. Nemandi skal læra meðhöndlun og beitingu allra handverkfæra sem nota þarf við bílaviðgerðir. Mikilvægt er að vinnubrögð hans séu fagmannleg frá upphafi. Hann á að geta unnið sem aðstoðarmaður bifvélavirkja og geta framkvæmt einfaldar viðgerðir. Gott er leyfa nemandanum að byrja á einföldum verkþáttum og bæta svo í eftir því sem hæfni hans eykst.
Nemandi skal hafa öðlast þekkingu og skilning á:
öryggiskröfum á vinnustað
kröfum um þrifnað og frágang ökutækja fyrir viðgerð og afhendingu til eiganda
kröfum framleiðanda um fagmannleg vinnubrögð
Nemandi skal hafa öðlast leikni í að:
meðhöndla og beita handverkfærum sem þarf að nota við störf bifvélavirkja
þrífa ökutæki fyrir og eftir viðgerð og koma því fyrir á lyftu samkvæmt leiðbeiningum framleiðanda
beita öryggisbúnaði á vinnustað
Nemandi skal geta hagnýtt þá almennu þekkingu og leikni sem hann hefur aflað sér til að:
vinna eftir fyrirmælum yfirmanna og framleiðenda
gera einfaldar þjónustuskoðanir samkvæmt leiðbeiningum framleiðanda
skipta um smáhluti í ökutækjum
vinna í hópi að sameiginlegu markmiði
Lögð er áhersla á fjölbreytt námsmat með leiðsögn. Námsmatið er í höndum meistara í viðkomandi grein.