Það kom upp villa senda inn  Áfangi

    Áfangi Nánari upplýsingar


    Búið til: 1490702484.59

    Starfsþjálfun 2 bifvélavirkjun
    STAÞ2SB25
    3
    Starfsþjálfun
    starfsþjálfun í bifvélavirkjun
    Samþykkt af skóla
    2
    25
    AV
    Í áfanganum heldur nemandinn áfram að byggja ofan á þá þekkingu sem hann hefur áður aflað sér í greininni. Hann kynnist enn betur öryggiskröfum og meðhöndlun efna og tækja sem notuð eru á bílaverkstæðum og lærir að þekkja þær hættur sem fylgja störfum í bíliðngreinum. Nemandinn kynnist kröfum framleiðenda um gæði íhluta, merkingar og efnisstaðla og þjálfast í að framkvæma einfaldar viðgerðir á ökutækjum eftir leiðbeiningum framleiðanda. Nemandinn fær einnig þjálfun í að lesa bilanaupplýsingar einfaldra kerfa í ökutækjum og til dæmis endurstilla handhemil. Lögð er áhersla á að nemandinn tileinki sér kurteisi og lipurð í samskiptum við samstarfsmenn og viðskiptavini.
    STAÞ1SB15
    Nemandi skal hafa öðlast þekkingu og skilning á:
    • þeim efnum sem unnið er með á bílaverkstæðum
    • þeim tækjum sem notuð eru við vinnu í bifvélavirkjun
    • meðferð spilliefna og úrgangs
    • kröfum framleiðanda ökutækja um gæði íhluta, merkingar og efnisstaðla
    Nemandi skal hafa öðlast leikni í að:
    • meðhöndla smurefni, kælivökva, vélar, vélarhluta og aðra íhluti ökutækja
    • nota handverkfæri sem tengjast viðkomandi iðngrein
    • vinna við hand- og tölvustýrð tæki sem notuð eru á verkstæðum
    • gera allar einfaldari viðgerðir á ökutækjum eftir leiðbeiningum framleiðanda
    Nemandi skal geta hagnýtt þá almennu þekkingu og leikni sem hann hefur aflað sér til að:
    • lesa bilanaupplýsingar einfaldra kerfa í ökutækjum, meta efnisþörf og kostnað
    • vera ávallt meðvitaður um þær hættur sem fylgja störfum í bíliðngreinum og þær öryggiskröfur sem gerðar eru á vinnusvæðum
    • skipta um einfalda slithluti og endur setja hugbúnað t.d. stöðuhemils
    • eiga í samskiptum við samstarfsmenn og aðra iðnaðarmenn
    Lögð er áhersla á fjölbreytt námsmat með leiðsögn. Námsmatið er í höndum meistara í viðkomandi grein.