Nemandinn öðlast djúpan skilning á eðli riðstraums og þeim lögmálum og hugtökum sem þar eiga við. Nemandinn lærir að nota vektormyndir og stærðfræðilega útreikninga til að öðlast skilning á orsökum og áhrifum fasviks í einfsa og þriggja fasa riðstraumsrásum. Leikni í notkun vektoramynda við útreikninga RLC rása.
Nemandi skal hafa öðlast þekkingu og skilning á:
grundvallarhugtökum riðstraumsfræðinnar
fasviki í riðstraumsrásum og orsökum þess
notkun vektora við að ákvarða stærðir í riðstraumsrásum
notkun hornafalla stærðfræði til að reikna út stærðir í vektoramyndum
aðferðum við að leiðrétta fasvik í riðstraumsrásum
skiptingu rafafls í raun-, laun- og sýndarafl
RLC rafrásum og einföldum raforkukerfum skipa
Nemandi skal hafa öðlast leikni í að:
gera vektoramyndir og útreikninga á einfasa riðstraumsrásum með blönduðu álagi
gera útreikninga á þriggja fasa riðstraumsrásum með og án fasviks
Nemandi skal geta hagnýtt þá almennu þekkingu og leikni sem hann hefur aflað sér til að:
skilja raforkukerfi skipa og annast rekstur þeirra
útskýra orsakir og áhrif fasviks í riðstraumsrásum
leiðrétta fasvik í raforkukerfum
útskýra með vektormyndum og stærðfræðilegum útreikningum áhrif fasviks í riðstraumsrásum
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.