Það kom upp villa senda inn  Áfangi

    Áfangi Nánari upplýsingar


    Búið til: 1491052713.71

    Véltækni 1
    VÉLT3ÁL04
    2
    Véltækni
    lofttemprunarkerfi, miðflóttakraftsdæla, skrúfulínurit, álagslínur dieselvéla
    Samþykkt af skóla
    3
    4
    AV
    Megináhersla er lögð á nemandinn öðlist færni og þekkingu á vélbúnaði með verkefnavinnu og greiningu mældra niðurstaðna. Sérstök áhersla er á varmafræði, varmajöfnuð og fræðilegar rannsóknir á aflfærslu til framdriftar skipa. Nemandinn þjálfast í rekstri vélkerfa með því að gera varmafræðilegar athuganir og vinna úr þeim. Einnig er unnið að rannsóknum á varmaskiptum. Nemandinn á að nýta sér námsefni undanfara og áunna fagþekkingu til að vinna verklegar æfingar og tilraunir sem hafa það hlutverk að auka skilning á einstökum þáttum fræðigreinarinnar.
    Nemandi skal hafa öðlast þekkingu og skilning á:
    • nýtni og afldreifingu miðflóttakraftsdælu
    • dælukennilínum, mótstöðukennilínum og stjórnun rúmtaksstreymis fyrir miðflóttaaflsdælu
    • rannsóknum á varmafræðilegum eiginleikum varmaskiptis
    • varmajöfnuði dísilvéla
    • álagslínuriti aðalvélar skips
    • skrúfulínuriti
    Nemandi skal hafa öðlast leikni í að:
    • nota díagrammrannsóknir til að greina bilanir í dieselvélum
    • gera varmajöfnuð á dieselvél og leggja mat á niðurstöður
    • lesa úr niðurstöðum varmajöfnuðar og varmaskipta vélbúnaðar
    • setja niðurstöður mælinga og athugana fram í skýrsluformi
    • afla upplýsinga um ástand lofttemprunarkerfa og vinna úr þeim
    Nemandi skal geta hagnýtt þá almennu þekkingu og leikni sem hann hefur aflað sér til að:
    • taka ákvarðanir um viðbrögð ef niðurstöður mælinga á vélbúnaði gefa tilefni til
    • setja fram helstu atriði æfingarinnar og niðurstöður í skýrslu þar sem fram koma helstu mæliniðurstöður, útreikningar, línurit
    • draga ályktanir af niðurstöðum rannsóknaræfinga og gera tillögur að úrbótum
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.