Í áfanganum lærir nemandinn aðferðir til að finna út raunstærðir mismunandi byggingahluta út frá tvívíðum teikningum og verklýsingum. Nemandinn lærir um þök, þakvirki og sperrusnið, tréstiga og tröppur ásamt steypumótum. Mikilvægt er að nemandinn vinni áfangann jafnhliða lokaverkefni í húsasmíði, þar sem unnin verða svipuð eða samskonar verkefni. Í áfanganum er lögð áhersla á að nemandinn tileinki sér sjálfstæð vinnubrögð við upplýsingaleit og gagnaúrvinnslu og hafi aðstöðu til að prenta út vinnuteikningar í fullri stærð til notkunar í öðrum áföngum. Áfanginn er ætlaður húsasmiðum og byggist aðallega á verkefnavinnu.
TEIV2GH05
Nemandi skal hafa öðlast þekkingu og skilning á:
útlagningu sperra og stigakjálka
reglum og reikniaðferðum um stiga
vinnuteikningum sem henta fyrir trésmíðaverkstæði
vinnu með hugbúnað frá framleiðendum steypumóta
Nemandi skal hafa öðlast leikni í að:
nota tölvur til teikninga og útreikninga
útbúa sérmyndir, deili og snið
vinna með mismunandi mælikvarða
útbúa vinnuteikningar og efnisskýrslur
útbúa teikningar til prentunar og prenta út nothæfar vinnuteikningar
Nemandi skal geta hagnýtt þá almennu þekkingu og leikni sem hann hefur aflað sér til að:
skilja uppbyggingu vinnuteikninga
teikna útlitsmyndir, sérmyndir, deili og snið í tölvu
útbúa vinnuteikningar eftir öðrum teikningum og fyrirmælum
vinna eftir teikningum á trésmíðaverkstæði
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.