Í áfanganum gefst nemendum færi á að búa sig markvisst undir sveinspróf. Unnin eru verkefni, lík þeim sem tekin eru fyrir í sveinsprófi. Þau krefjast þess að nemendur nýti og samþætti þekkingu og færni sem þeir hafa aflað sér í skóla og á vinnustað á námstímanum. Farið er í upprifjun bóklegra og verklegra þátta úr fyrri áföngum eftir því sem þurfa þykir. Áfanginn er ætlaður húsasmiðum og fer kennslan fram með fyrirlestrum og verkefnavinnu þar sem tvinnað er saman bóklegum og verklegum þáttum námsins.
Nemandi skal hafa öðlast þekkingu og skilning á:
skipulagningu verkefna
upplýsingaöflun og áætlanagerð
byggingarreglugerð og skipulagslögum
öryggisreglum og öryggisbúnaði
Nemandi skal hafa öðlast leikni í að:
vinna í samræmi við lög, reglugerðir og staðla
vinna eftir séruppdráttum og deilum
vinna sjálfstætt
Nemandi skal geta hagnýtt þá almennu þekkingu og leikni sem hann hefur aflað sér til að:
tengja saman alla þætti vinnustaðanáms og skóla
undirbúa verkefni á eigin spýtur
gera efnis- og tímaáætlun
framkvæma verkefni sjálfstætt í samræmi við áætlanir
fylgja fyrirliggjandi verkáætlunum og teikningum
vinna í samræmi við viðurkenndar öryggisreglur og öryggisbúnað
rökstyðja val á aðferðum, efnum, áhöldum og tækjum
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.