Áfanginn er undanfari fyrir verkstæðisáfanga þar sem nemandinn vinnur sjálfstætt hönnunarverkefni sem hugsað er til framleiðslu. Nemandinn þróar og dýpkar hugmyndir sínar fyrir verkefnið og rannsakar í því skyni hugmyndafræði á bak við almenna vöruframleiðslu, bæði á forsendum hönnunar og samfélags, auk viðskiptalegra þátta. Sérstök áhersla er lögð á að nemandinn taki ábyrga afstöðu til umhverfislegra þátta í undirbúningi fyrir verkefni sitt. Nemandinn kynnist mikilvægi þess að eiga í virku samtali við framleiðendur og neytendur. Nemandinn skráir hugmyndir sínar markvisst hjá sér og þjálfar hæfni sína í að rökstyðja hugmyndir sínar á hlutlægan hátt.
Nemandi skal hafa öðlast þekkingu og skilning á:
gildi skissuteikninga í þróun hugmynda og verka
gagnsemi þess að vinna skissubók til að þjálfa og efla vinnubrögð
samfélagslegri og umhverfislegri ábyrgð sem fylgir hönnun og framleiðslu á hvers kyns vöru
Nemandi skal hafa öðlast leikni í að:
vinna jafnt og þétt að því að bæta teiknihæfileika sína
koma hugmyndum sínum og teikningum á framfæri á sannfærandi hátt
Nemandi skal geta hagnýtt þá almennu þekkingu og leikni sem hann hefur aflað sér til að:
gera teikningu að sjálfsögðum hluta í þróun hugmynda og framsetningu verka
nýta skissubók sem persónulega uppsprettu
greina eigin persónueinkenni í hugmyndum, formum og aðferðum og miðla þeim áfram í eigin verkum