Í þessum áfanga er staða kynjanna í samfélaginu greind og skoðuð. Birtingarmyndir kynjamisréttis og annars félagslegs misréttis eru ræddar og áhrif þess á persónulega hamingju og samfélagslega velsæld sett í samhengi. Meðal umfjöllunarefna eru vændi, kynhlutverk, klám, ofbeldi, mansal, staðalmyndir og fjölmiðlar.
Nemandi skal hafa öðlast þekkingu og skilning á:
stöðu kynjanna í samfélögum nær og fjær.
birtingarmyndum misréttis.
áhrifum fjölmiðla og staðalmynda á sjálfsmynd.
tengslum kynhlutverka og vinnumarkaðar.
samhengi félagsmótunar, viðhorfa og væntinga.
mikilvægi vitundarvakningar á félagslegum vandamálum.
hugtökum kynjafræðinnar.
Nemandi skal hafa öðlast leikni í að:
beita kynjagleraugum á félagslegan veruleika.
rökræða um stöðu kynjanna og orsakir misréttis.
tjá sig um efnisþætti í ræðu og riti.
skoða eigin viðhorf og væntingar.
beita hugtökum í umræðu um jafnréttismál.
Nemandi skal geta hagnýtt þá almennu þekkingu og leikni sem hann hefur aflað sér til að:
glöggva sig á eigin stöðu m.t.t. kyns sýns.
setja sjálfan sig í samhengi félagsmótunar og kynhlutverka.
taka afstöðu til ólíkra málefna er varða jafnréttismál.
rökstyðja eigin skoðanir.
skilja valdatengsl í samfélaginu.
átta sig á eigin ábyrgð í samfélagslegu tilliti.
beita gagnrýnni hugsun kerfisbundið.
setja sig í spor annarra.
yfirfært ójafnrétti eins hóps á annan.
Mæting og þátttaka nemenda er lykilatriði í kennslufræði áfangans. Nemendur skrifa leiðabók um alla efnisþætti áfangans og viðra skoðanir sínar og upplifanir. Eitt stærra verkefni. Hugtakapróf.