Það kom upp villa senda inn  Áfangi

    Áfangi Nánari upplýsingar


    Búið til: 1493909926.38

    Gluggar og útihurðir
    GLUH2GH08
    2
    Glugga og hurðasmíði
    Glugga og hurðasmíði (útihurðir)
    Samþykkt af skóla
    2
    8
    Í áfanganum er kennd smíði glugga og útihurða með áherslu á trésamsetningar, vélavinnu og handverk. Nemendur læra um viðartegundir og önnur smíðaefni sem notuð eru í glugga og útihurðir, áhöld og tæki, samsetningaraðferðir, yfirborðsmeðferð og smíðisfestingar. Lögð er áhersla á að nemendur geti gengið úr skugga um gæði þeirra smíðaefna sem unnið er með og að endanlegur smíðishlutur uppfylli kröfur um málsetningar og útlit m.m. Nemendur fá áframhaldandi þjálfun í notkun og umgengni við allar algengar trésmíðavélar og kynnast flóknari vélbúnaði sem sérstaklega tengist glugga- og hurðasmíði. Kennsla er að mestu verkleg þar sem nemendur smíða hluti eftir teikningum og verklýsingum. Áfanginn er ætlaður bæði húsasmiðum og húsgagnasmiðum.
    Hafa lokið faggreinum á fyrsta þrepi
    Nemandi skal hafa öðlast þekkingu og skilning á:
    • umgengni og notkun trésmíðavéla fyrir glugga og hurðasmíði
    • vali efna til glugga og hurðasmíða
    • eiginleikum viðar og plötuefnis með tilliti til endingar
    • áhöldum og vélum sem notuð eru við smíði glugga og útihurða
    • samhengi milli snúnings-, skurðar- og mötunarhraða og yfirborðsgæða
    • öryggisreglum og öryggisbúnaði viðkomandi áhalda og tækja
    • samsetningaraðferðum á gluggum og útihurðum
    • helstu efnissamsetningum sem notaðar eru í gluggum og hurðum
    • límtegundum og límhörðnunarkerfum fyrir mismunandi viðartegundir
    • samlímingu á tré sem notað er til að smíða bogna og beina íhluti
    • öryggisreglum og öryggisbúnaði sem snertir lím og meðferð þess
    • yfirborðsmeðferð glugga og útihurða
    • aðferðum til að fúaverja og yfirborðsmeðhöndla glugga og útihurðir
    • gagnvörn smíðaviðar og efnum til yfirborðsmeðferðar
    • öryggisreglum og öryggisbúnaði við fúavörn og yfirborðsmeðferð
    • öryggisþáttum og viðhaldi trésmíðavéla
    • vinnuaðstöðu og vinnumhverfi
    • smíði boginna íhluta og glugga með skapalóni eða CNC-vél
    Nemandi skal hafa öðlast leikni í að:
    • vinna eftir teikningum og verklýsingum fyrir glugga- og hurðasmíðar
    • nota málma og plast við smíði glugga og útihurða
    • brýna og halda við einföldum skurðarverkfærum
    • nota og halda við áhöldum, rafmagns- og lofthandverkfærum
    • umgangast flóknar trésmíðavélar með tillit til notkunar og öryggismála
    • lesa merkingar og flokka efni með tilliti til útlits og styrks
    Nemandi skal geta hagnýtt þá almennu þekkingu og leikni sem hann hefur aflað sér til að:
    • velja hentugt smíðaefni með hliðsjón af verkefni hverju sinni
    • öðlast innsýn í tæknilega viðarvernd við smíði útiglugga og útihurða
    • velja smíðisfestingar og þéttilista með hliðsjón af verkefni
    • velja réttar trésmíðavélar bæði til fjölda- og stykkjaframleiðslu
    • velja skurðarverkfæri og skurðarhorn út frá viðartegund
    • velja verkfæri og skurðarhorn til vinnslu samsíða og þvert á trefjastefnu
    • ganga úr skugga um rétta virkni og stillingar véla með aðstoð mæliáhalda
    • velja límáburðartæki, þvingur og pressur fyrir glugga- og hurðasmíði
    • velja slípi- og málningarkerfi fyrir mismunandi viðartegundir
    • smíða glugga og útihurðir með þéttingum og fylgihlutum
    • smíða fasta og opnanlega glugga til notkunar utan- og innanhúss
    • smíða útihurð með spjöldum ásamt karmi og stáli
    • smíða skapalón með hliðsjón af hönnunargögnum
    • ganga frá smíðishlut með gleri, þéttilistum og stáli
    • staðsetja og taka úr fyrir lömum og skrám í höndum og með vélum
    Námsmat er útfært í námsáætlun í samræmi við skólanámskrá