Í áfanganum er lögð áhersla á teikningalestur og teikningar bygginga og mannvirkja úr steini og gleri. Farið er yfir grundun og undirstöður steinhúsa, steinsteypu-, málm- og glervirki með áherslu á útveggi, klæðningar þeirra og einangrun. Teikningar og útfærslur á steinsteyptum tröppun innan og utanhúss ásamt reglum bygginareglugerðar um stiga og stigahúss. Auk umfjöllunar um byggingareglugerðar er einnig komið inn á önnur mannvirki eins og brýr, hafnir, virkjanir og jarðgöng og útfærslur þeirra. Nemendur kynnast grunnatriðum tölvuteikninga og notkun tölvutækni við miðlun uppdrátta og annarra hönnunargagna. Áfanginn er eingöngu ætlaður húsasmiðum og byggist kennslan aðallega á verkefnavinnu
TEIK2HS05
Nemandi skal hafa öðlast þekkingu og skilning á:
ákvæðum reglugerðar um undirstöður mannvirkja
járnbendingu í undirstöðum
lestri teikninga og verklýsinga
notkun tölvuteiknaðra uppdrátta og annarra hönnunargagna
stöðluðum málum (stærðum) ýmissa byggingarhluta
steinsteypuvirkjum og klæðningu steinsteyptra útveggja
ákvæðum reglugerðar um undirstöður bygginga og mannvirkja
ákvæðum reglugerðar um útveggi, klæðningar þeirra og einangrun
grunnatriðum járnbendingar á steinsteypu og steinsteypta stiga
fagheitum í aðaluppdráttum, lóða- og burðarvirkisuppdráttum
gerðum uppdrátta og teikninga og öllum almennum teiknitáknum
teikniaðferðum og teiknireglum fyrir steypuvirki og klæðningar
stöðluðum málum á steinveggjum, klæðningagrindum og einangrun
notkun algengustu teikniforrita í tölvu við gerð og miðlun hönnunaruppdrátta
Nemandi skal hafa öðlast leikni í að:
gera kostnaðarútreikninga og verklýsingar
nota algengustu teikniforrit í tölvu við gerð og miðlun hönnunaruppdrátta
vinna eftir reglugerðum
vinna eftir teikningum og verklýsingum
teikna vinnuteikningar
Nemandi skal geta hagnýtt þá almennu þekkingu og leikni sem hann hefur aflað sér til að:
lesa og vinna með teikningar af steinsteypuvirkjum og klæðningum
lesa og skilja merkingar og verklýsingar á teikningum
gera efnislista og kostnaðarútreikninga á grundvelli uppdrátta
öðlast innsýn í tæknilegar útfærslur vegna loftunnar og einangrunar
teikna einföld steinsteypuvirki og klæðningar á stein innanhúss og utan
gera rissmyndir og eftir atvikum að nota fjarvídd til að sýna rýmisútfærslur
gera vinnu- og deiliteikningar af steinsteypuvirkjum s.s. stigum
vinna og hugsa sjálfstætt
Námsmat er útfært í námsáætlun í samræmi við skólanámskrá