Starfsþjálfun er skilgreindur hluti af námi í bíliðngreinum. Henni er ætlað að þjálfa frekar hæfni nemenda á þeim sviðum sem nám þeirra á brautinni nær til. Á vinnustað fá þeir tækifæri til að takast á við raunveruleg verkefni við þær aðstæður sem fyrir hendi eru hverju sinni. Nemendur kynnast af eigin raun þeirri menningu sem fyrir hendi er í íslenskum fyrirtækjum og eru beinir þátttakendur í henni. Gert er ráð fyrir að hverjum nema fylgi ferilbók þar sem grein er gerð fyrir þjálfun hans. Þeir verkþættir sem nemandi framkvæmir eru tíundaðir, mat lagt á framgöngu hans, verktækni, vinnuhraða og hæfni í viðkomandi iðngrein. Nemandi og atvinnurekandi, eða fulltrúi hans, bera sameiginlega ábyrgð á skráningu í ferilbók.
Nemendur skulu vera í eða hafa lokið námi í bílasmíði, bifvélavirkjun eða bílasmíði.
Nemandi skal hafa öðlast þekkingu og skilning á:
þeim efnum sem unnið er með í bíliðngreinum.
þeim tækjum sem notuð eru við vinnu í bíliðngreinum.
meðferð spilliefna og úrgangs.
virkni kerfa og íhluta bifreiða.
Nemandi skal hafa öðlast leikni í að:
meðhöndla málma, plastefni, vélar, vélarhluta og aðra íhluti bifreiða.
nota helstu handverkfæri sem tengjast viðkomandi iðngrein.
vinna við hand- og tölvustýrð tæki sem notuð eru á verkstæðum.
Nemandi skal geta hagnýtt þá almennu þekkingu og leikni sem hann hefur aflað sér til að:
lesa teikningar, málsetja, draga upp útflatninga, gera efnislista, meta viðgerðarþörf og kostnað.
vera ávallt meðvitaður um þær hættur sem fylgja störfum í bíliðngreinum og þær öryggiskröfur sem gerðar eru á vinnusvæðum.
skipuleggja verkferla, setja upp verkþáttaröð og verkáætlun og vinna samkvæmt henni.
eiga í samskiptum við samstarfsfólk, birgja og verkkaupa. Hann þekkir skipulag vinnustaðanáms og hlutverk þess í námi hans.
Námsmat er gert samkvæmt ákvæðum ferilbókar viðkomandi iðngreinar.