Það kom upp villa senda inn  Áfangi

    Áfangi Nánari upplýsingar


    Búið til: 1494937006.06

    Lífríki, staðhættir og menning við Skjálfanda
    HVAL1SK05(11)
    None
    Hvalaskoðun
    Lífríki, staðhættir og menning við Skjálfanda
    í vinnslu
    1
    5
    11
    Í áfanganum er fjallað um lífríki, staðhætti og menningu við Skjálfanda. Nemendur fræðast um helstu dýrategundir á svæðinu með sérstakri áherslu á hvali og hegðun þeirra. Jarðfræði svæðisins og veðurfari eru gerð skil auk þess sem fjallað er um sögu svæðisins og helstu þjóðsögur sem tengjast svæðinu. Lögð er áhersla á að nemendur geti gert þekkingu sinni skil á íslensku og ensku.
    Engar
    Nemandi skal hafa öðlast þekkingu og skilning á:
    • lífríki sjávar með áherslu á Skjálfandaflóa og landsvæðið þar í kring
    • tengslum búsvæða og lífríkis og tengslum lífvera innbyrðis
    • áhrifum mannsins á lífríkið
    • helstu dýra- og plöntutegundum í og við Skjálfandaflóa með sérstakri áherslu á hvali og sjófugla og æti þessara tegunda
    • örnefnum og staðháttum við Skjálfandaflóa
    • lofthjúpi jarðar, efnasamsetningu og lagskiptingu hans
    • flokkun skýja og helstu skýjagerðum
    • hvernig veður breytist samfara skilum
    • einkennum og áhrifum hafstrauma og sjógerða við Ísland
    • helstu gerðum jarðmyndana á Íslandi
    • eðli jarðskjálfta og hvar á Íslandi stafar mestri hættu af þeim
    • tengslum fortíðar og nútíðar varðandi þróun byggðar og atvinnuvega við Skjálfanda
    • sögu hvalaskoðunar
    • sögu hvalveiða við Ísland
    • þjóðsögum sem tengjast svæðinu.
    Nemandi skal hafa öðlast leikni í að:
    • afla sér upplýsinga um lífríki lands og sjávar sem geta nýst í starfi
    • bera kennsl á ólíkar tegundir dýra og plantna á svæðinu
    • segja frá örnefnum og staðháttum við Skjálfandaflóa
    • teikna veðurkort út frá upplýsingum reiknilíkans
    • skýra hvaða kraftar stýra hreyfingum lofts og hver áhrif þeirra eru á vindhraða og stefnu
    • spá fyrir um veðrabreytingar út frá eigin athugunum og fyrirliggjandi gögnum
    • útskýra myndun jarðlaga og tengja við ástand umhverfis á myndunartíma þess
    • fjalla um ísaldir og kenningar um orsakir þeirra
    • útskýra myndun mismunandi landsvæða af völdum innrænna afla, s.s. út frá landreki, eldvirkni, jarðskjálftum og jarðhita
    • fjalla um landmótun sem stjórnast af útrænum öflum, s.s. landmótun af völdum frostverkana, vatnsfalla, sjávar, jökla og vinds
    • afla sér upplýsinga um sögu hvalveiða við Ísland
    • afla sér upplýsinga um sögu og þróun mannlífs á svæðinu.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • miðla upplýsingum um lífríki í og við Skjálfandaflóa á íslensku og ensku
    • miðla upplýsingum um veðurspá á Skjálfandaflóa á íslensku og ensku
    • miðla upplýsingum um staðhætti við Skjálfandaflóa og jarðfræði svæðisins á íslensku og ensku
    • miðla upplýsingum um hvalveiðar á íslensku og ensku
    • miðla upplýsingum um sögu Húsavíkur og menningu við Skjálfandaflóa á íslensku og ensku.
    Í áfanganum er gert ráð fyrir leiðsagnarmati sem byggist á því að nemandinn fái með skipulegum og reglulegum hætti upplýsingar frá kennara um hvernig hann stendur í náminu. Lögð er áhersla á munnlegan flutning.