Í áfanganum læra nemendur grunnatriði í fatasaum, vinna á saumavél og kynnast áhöldum og tækjum við saumtækni. Nemendur vinna með stærðartöflur, grunnsnið og sniðútfærslur. Lögð er áhersla á saumtækni með ýmsum verkefnum og læsi á vinnulýsingar í texta og myndum. Farið er sérstaklega í notkun á tækjum og áhöldum í fatagerð. Nemendur læra að mæla efnismagn fyrir flíkur út frá sniðum og öðru tilleggi varðandi saumaskap og frágang. Saumaðar eru flíkur og lögð áhersla á mátun og leiðréttingu sniða. Nemendur tileinka sér skipulagt vinnuferli og vandaðan frágang og læra uppsetningu vinnulýsinga.
Nemandi skal hafa öðlast þekkingu og skilning á:
virkni saumavéla, tækja og áhalda í fatasaum
mismunandi aðferðum tengdum saum
uppbyggingu grunnsniða, heiti sniðhluta, þráðrétta og mikilvægi merkinga
saumur á einföldum flíkum
notkun grunnsniða til að útfæra einfaldar flíkur
aðferðum til að ákvarða efnismagn í flíkur út frá sniðum og samspili efna
vönduðum vinnubrögðum og verklýsingum við alla þætti ferilsins
Nemandi skal hafa öðlast leikni í að:
vinna með saumavélar, tæki og áhöld
nota mismunandi aðferðir við útfærslu á saum
nota heiti sniðhluta markvisst og nota saumamerkingar á sniðum
útfæra og sauma flíkur eftir málum
vinna ýmsar sniðútfærslur út frá grunnsniðum
leggja snið á efni þannig að þráðlína sé rétt og efnið vel nýtt
Nemandi skal geta hagnýtt þá almennu þekkingu og leikni sem hann hefur aflað sér til að:
vinna sjálfstætt við saumavél og nýta önnur tæki og áhöld
sauma með ýmsum saumtækni aðferðum
vinna sjálfstætt einfaldar sniðútfærslur út frá grunnsniðum
sauma einfaldar flíkur eftir grunnsniðum og eigin útfærslum
sjálfstætt ákvarða efnismagn og tillegg sem þarf í flík samkvæmt sniðum og vinnulýsingum
vinna eftir verkýsingum í máli og í myndum
vanda vinnubrögð við alla þætti verkferilsins frá hugmynd að tilbúinni flík
Námsmat er í höndum kennara viðkomandi áfanga, sundurliðað í kennsluáætlun og framfylgir reglum um námsmat samkvæmt skólanámskrá skólans.