Í áfanganum er farið í hvernig stofnföll falla eru fundin. Hvernig hægt er að nota heildun við að finna flatarmál óreglulegra svæða, bogalengd ferla og rúmmál snúða. Kenndar eru aðferðir við að leysa diffurjöfnur af fyrsta stigi. Runur og raðir eru kynntar og dæmi tekin um hagnýtingu þeirra t.d. við vaxtareikning.
Kennslan fer fram með innlögn kennara og vinnu nemenda. Nemendur vinna ýmist saman eða einir sér. Gerðar eru kröfur um að nemendur vinni verkefni heima og standi skil á þeim í kennslustund eða með því að skila verkefnum skriflega. Kennari fer síðan yfir heimaverkefni og nemendur fá endurgjöf.
STÆR3DF05 (STÆ403)
Nemandi skal hafa öðlast þekkingu og skilning á:
helstu aðferðum til að ákvarða óákveðin og ákveðin heildi
tengslum heildunar og diffrunar
tengslum heildunar við flatarmál og rúmmál
andhverfum hornaföllum og hvernig þau diffrast
diffurjöfnum, sérlausnum þeirra og fullnaðarlausnum
runum, kvóta- og mismunarunum og þrepasönnunum
Nemandi skal hafa öðlast leikni í að:
beita hlutheildun, innsetningaraðferð og stofnbrotsliðun við að ákvarða heildi
nota heildun til að finna flatarmál á milli ferla og rúmmál við snúning ferla um láréttar og lóðréttar línur
diffra andhverf hornaföll
leysa diffurjöfnur með því að aðskilja breytistærðir
leysa línulegar fyrsta stigs diffurjöfnur
greina kvóta- og mismunarunur og reikna summu liða þeirra
beita runum og röðum við lausn hagnýtra dæma
nota diffurjöfnur við að leysa hagnýt verkefni
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega og rökstyðja þær
ræða hugmyndir sínar um námsefnið
fylgja og skilja röksemdir og röksamhengi í mæltu máli og texta, þar með taldar sannanir í námsefni
rekja sannanir í námsefninu
klæða verkefni í stærðfræðilegan búning, leysa og túlka lausnina
gera sér grein fyrir tengslum diffrunar og heildunar
átta sig á hvaða aðferð hentar best til að leysa ákveðin verkefni
Byggir á lokaprófi, vinnusemi í kennslustundum, heimanámi, verkefnum og skyndiprófum.