Það kom upp villa senda inn  Áfangi

    Áfangi Nánari upplýsingar


    Búið til: 1496309109.15

    Nýsköpun og listir
    ENSK3NL05
    37
    enska
    Nýsköpun, bókmenntir, listir
    Samþykkt af skóla
    3
    5
    Námið miðar að því að nemendur auki færni sína í enskri tungu og bæti orðaforða sinn tengdan nýsköpun og listum. Nemendur lesa greinar og bókmenntatexta auk þess sem þeir afla sér efnis á netinu. Þeir eru þjálfaðir í að tjá sig á ensku, á gagnrýninn hátt, bæði í ritun og tali og fá tækifæri til að velja sér viðfangsefni eftir áhuga og nálgast þau á skapandi hátt. Áhersla er lögð á samvinnu, sjálfstæð vinnubrögð, frumkvæði nemenda og skapandi nálgun verkefna í áfanganum.
    ENSK3ME05
    Nemandi skal hafa öðlast þekkingu og skilning á:
    • enskum orðaforða og hugtökum sem tengjast nýsköpun og listum
    • orðaforða sem gerir honum kleift að tileinka sér með góðu móti lesefni í áframhaldandi námi eða starfi
    • mismunandi málsniði enskrar tungu
    Nemandi skal hafa öðlast leikni í að:
    • lesa sér til gagns greinar um efni tengd nýsköpun og listum
    • skilja vel sérhæfða texta á sviði nýsköpunar og lista
    • skilja talað mál sem fjallar um nýsköpun og listir, til dæmis fyrirlestra
    • taka virkan þátt í samræðum um nýsköpun og listir
    • tjá sig í ræðu og riti, bæði formlega og óformlega, um efni sem tengist nýsköpun og listum sem hann hefur kynnt sér og undirbúið
    • virða skoðanir annarra og leysa verkefni í samvinnu við aðra
    Nemandi skal geta hagnýtt þá almennu þekkingu og leikni sem hann hefur aflað sér til að:
    • tileinka sér efni ritaðs texta sem tengist nýsköpun og listum og nýta á mismunandi hátt
    • skilja án vandkvæða megininntak erinda og rökræðna sem fjalla um nýsköpun og listir
    • leggja gagnrýnið mat á texta og meta heimildir á gagnrýninn hátt
    • beita málinu til þess að geta tekið fullan þátt í rökræðum þar sem fjallað er um nýsköpun og listir
    • semja og flytja vel uppbyggða frásögn, kynningu eða greinargerð, geta dregið fram aðalatriði og rökstutt mál sitt með dæmum og brugðist við fyrirspurnum
    • nota ímyndunarafl, innsæi og tilfinningar við sköpun eða flutning verka sinna
    • nýta sér upplýsingatækni til fróðleiks og rannsókna
    • skrifa frumsaminn texta á ensku
    • nota hugarflugið og beita stílbrögðum, t.d. myndmáli og líkingamáli
    • sýna frumkvæði, ábyrgð og umburðarlyndi og beita gagnrýninni hugsun
    • virða skoðanir annarra og geta leyst verkefni í samvinnu við aðra
    • tileinka sér fjölbreytta hugsun við lausn mála, fræðilega, listræna og viðskiptalega
    Námsmat er í formi símats.