Markmið með áfanganum er að nemandi öðlist þekkingu til að geta tekið ábyrgð á eigin heilbrigði. Áhersla er lögð á að efla þá sjálfsvitund og sjálfstæði sem fylgir því að verða fullorðinn. Nemandi lærir um mikilvægi hreinlætis og umhirðu líkamans, holla lífshætti svo sem tengsl hreyfingar og mataræðis á líkamlega og andlega heilsu. Nemendum eru kenndir undirstöðuþættir í kynhegðun og kynlífsheilbrigði. Þá fjallar áfanginn einnig um skaðsemi tóbaksreykinga og vímuefna. Að lokum er farið yfir helstu þætti skyndihjálpar.
Nemandi skal hafa öðlast þekkingu og skilning á:
hugtakinu heilbrigði
gildi hreinlætis og umhirðu líkamans
gildi hreyfingar, hvíldar og mataræðis á sál og líkama
kynhegðun
kynlífsheilbrigði
skaðsemi vímuefna á sál og líkama
helstu þáttum skyndihjálpar
Nemandi skal hafa öðlast leikni í að:
sinna hreinlæti líkamans
velja sér klæðnað við hæfi
sinna reglubundinni tannhirðu
greina í sundur hollt mataræði frá óhollu
stunda markvissa hreyfingu
unna sér hæfilegrar hvíldar
varast notkun vímuefna
viðhafa ábyrga kynhegðun
greina einföldustu óhöpp og slys
Nemandi skal geta hagnýtt þá almennu þekkingu og leikni sem hann hefur aflað sér til að:
stuðla að reglusemi, vellíðan og heilbrigði í eigin lífi
tengja heilsufarsástand við heilbrigðan lífsstíl
bera ábyrgð á eigin kynhegðun
veita fyrstu hjálp við minni háttar óhöpp
Símat sem byggir á áhuga og virkni nemanda í ýmis konar verkefnagerð.