Nemendur eiga að kynnast grundvallarhugtökum gæðastjórnunar, tilgangi hennar, hugmyndafræði og vinnubrögðum. Nemendum skal vera ljóst hvers vegna fyrirtæki taka upp gæðakerfi og vita hvernig gæðastjórnun er beitt til að stuðla að umbótum og bættri stöðu þeirra. Nemendur fræðast einnig um af hverju fyrirtæki sækjast eftir vottun og hvaða áhrif gæðakerfi hafa á starfsumhverfi þeirra. Að áfanganum loknum skulu nemendur vera færir um að taka þátt í skipulögðu gæðastarfi á vinnustað.
Nemandi skal hafa öðlast þekkingu og skilning á:
grunnhugtökum gæðastjórnunar.
einkennum gæðastjórnunar og hvaða kröfur hún gerir til til vinnubragða stjórnenda og almennra starfsmanna.
ýmsum gæðastöðlum svo sem ISO9000.
gæðahandbók og notkun hennar.
gæðavottun og hvernig fyrirtæki hljóta hana.
Nemandi skal hafa öðlast leikni í að:
vinna markvisst í gæðahópum í sínu vinnuumhverfi.
skrifa einfaldar verklagsreglur.
teikna einfalda verkferla.
nota gæðahandbók.
miðla þekkingu sinni til annarra.
Nemandi skal geta hagnýtt þá almennu þekkingu og leikni sem hann hefur aflað sér til að:
nýta verklagsreglur við vinnu sína.
leggja fram tillögur um úrbætur á vinnuferlum.
skipuleggja gæðastarf á vinnustað.
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.