Nemendur skulu í þessum áfanga öðlast nægilega þjálfun og færni í notkun og meðferð logsuðu-, logskurðar- og rafsuðutækja svo þeir geti með fullnægjandi hætti beitt þessum tækjum á faglegan hátt. Í áfanganum skulu gerðar verklegar æfingar í lóðrétt-stígandi og lóðrétt-fallandi hliðarsuðu og uppundirsuðu með rafsuðu. Einnig þjálfast nemendur í logsuðu, logskurði og lóðningum.
Nemandi skal hafa öðlast þekkingu og skilning á:
notkun acetylen-gass og súrefnis til málmsuðu og logskurðar.
meðferð gashylkja, lit þeirra og mælibúnaði.
nauðsyn góðrar loftræstingar og þrifnaðar við málmsuðu.
eðlisfræðilegum þáttum við logsuðu svo sem hitastigi í loga og áhrifum loga á suðupoll.
stöðlum um hæfismat og um mat á suðum og suðugöllum.
suðuferilslýsingum vegna rafsuðu og gildi þeirra.
flokkun og stöðlun á húðun rafsuðuvíra og eiginleikum, notkun og meðferð basískra rafsuðuvíra.
helstu gerðum rafsuðuvéla, afköstum þeirra, notkunarsviði og stillingum.
helstu gerðum suðuraufa.
Nemandi skal hafa öðlast leikni í að:
rafsjóða eftir suðuferilslýsingum.
rafsjóða lóðrétt-stígandi og lóðréttfallandi hliðarsuðu og uppundirsuðu með rafsuðutækjum.
setja upp mæla, hylki og slöngur fyrir logsuðu.
stilla réttan vinnuþrýsting og velja réttan suðuspíss samkvæmt efnisþykkt.
beita logsuðutækjum við logsuðu á þunnplötum og rörum.
beita logskurðartækjum.
beita logsuðutækjum við koparsuðu og silfurkveikingu.
Nemandi skal geta hagnýtt þá almennu þekkingu og leikni sem hann hefur aflað sér til að:
meta spennur sem myndast við rafsuðu og hvernig skuli bregðast við þeim.
tryggja að kröfum um A-mál rafsuðu sé fullnægt.
logskera stál og framkvæma sjónmat samkvæmt staðli (IST EN 25 817).
nota acetylen-gass og súrefni til málmsuðu og logskurðar.
rafsjóða eftir suðuferilslýsingum.
vinna með suðustaðla.
velja rafsuðuvír með tilliti til efnis, suðuraufar og aðstæðna.
sjóða með fullnægjandi hætti samkvæmt stöðlum.
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.