Í áfanganum öðlast nemandinn þekkingu á íslenskum og alþjóðlegum reglum sem gilda um hinar ýmsu vinnsluaðferðir sjávarfangs, þ.m.t. reglum um vinnslu, geymslu, útflutning og markaði íslenskra sjávarafurða. Nemendur skulu kynnast helstu aðferðum við vinnslu á afla um borð í ísfiskskipum, vinnsluskipum, frystiskipum og landvinnslum. Að loknu námi í þessum áfanga á nemandinn að geta stjórnað og borið ábyrgð á vinnsluferli jafnt um borð í skipum sem í landvinnslum.
AFLA1SA04AS
HAFF2SC04AS
VETS2SA04AS
Nemandi skal hafa öðlast þekkingu og skilning á:
mismunandi vinnsluaðferðum sjávarfangs um borð í ísfiskskipum, vinnsluskipumfrystiskipum og landvinnslum.
gæða- og þrifakröfum sem gerðar eru til skipa og um meðferð afla um borð í skipum.
helstu mörkuðum fyrir íslenskt sjávarfang og íslenskar fiskafurðir.
gerð og uppbyggingu þrifnaðaráætlunar fyrir hinar ýmsu vinnsluaðferðir sem og tækjabúnað, hvort heldur er um borð í skipum eða í fiskvinnslufyrirtækjum í landi.
grundvallaratriðum við hönnun vinnslulína að því er varðar öryggi og þrifnað.
mismunandi efnum sem notuð eru til þrifa í fiskvinnslum.
aðferðum við útreikning á þurrefnisinnihaldi og fituprósentu uppsjávarfisktegunda.
íslenskum og alþjóðlegum reglum um vinnslu og geymslu á sjávarafurðum.
HACCP-gæðakerfinu og reglunum sjö sem snúa að HACCP.
skjölum Fiskistofu sem lúta að meðferð afla og vinnslu og útfyllingu þeirra.
Nemandi skal hafa öðlast leikni í að:
gera þrifnaðaráætlanir fyrir mismunandi vinnsluaðferðir.
nýta sér gæðakröfur og alþjóðlegar reglur sem gilda um vinnslu, geymslu og flutning á fiski og fiskafurðum.
reikna út þurrefnisinnihald og fituprósentu uppsjávarfiskitegund.
Nemandi skal geta hagnýtt þá almennu þekkingu og leikni sem hann hefur aflað sér til að:
fylla út samantektarbækur, nýtingarskýrslur og tilkynningar til löndunarhafna, sem Fiskistofa gefur út.
stjórna og bera ábyrgð á vinnsluferli jafnt um borð í skipum sem og í landsvinnslu.
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.