Markmið áfangans er annars vegar að varpa ljósi á íslenskt samfélag frá lokum miðalda til aldamótanna 1900 og hins vegar að veita skýra innsýn í samfélag 20. aldar. Gerð er grein fyrir þróun íslensks samfélags í réttri tímaröð en tilteknir þættir samfélagsins teknir fyrir og útskýrðir. Megineinkenni og átakalínur í samfélaginu á hverjum tíma eru dregnar upp og nemendum veitt innsýn í samfélag þar sem þeir geta áttað sig á lífsskilyrðum almennings og ólíku hlutskipti landsmanna varðandi auð og völd. Sagan er sett í erlent samhengi eftir því sem við á.
Nemandi skal hafa öðlast þekkingu og skilning á:
völdum þáttum í sögu Íslands
helstu tímabilum í sögu lands og þjóðar
atburðum sem marka tímamót í sögunni
Nemandi skal hafa öðlast leikni í að:
nota sagnfræðileg hugtök
Nemandi skal geta hagnýtt þá almennu þekkingu og leikni sem hann hefur aflað sér til að:
skilja samhengi atburða við samfélagið á hverjum tíma
auka söguvitund með því að setja sig í spor fólks á öðru tímaskeiði
temja sér gagnrýna hugsun
temja sér sjálfstæðar skoðanir
Símat sem byggir á áhuga og virkni nemanda í ýmis konar verkefnagerð.