Nemendur kynnast og vinna með ýmiss konar varnarbúnað í rafkerfum, t.d. bræðivör, sjálfvör, rafalavarnir og aflrofa. Þeir þjálfast í og læra að vinna að uppbyggingu og virkni varnarbúnaðar í rafkerfum almennt og í rafkerfum skipa sérstaklega, ásamt því að öðlast þekkingu á uppbyggingu háspennukerfis landsins allt frá rafölum til notenda. Kerfið er kynnt með þeim hætti að farið er í gegnum teikningar af virkjunum, tengivirkjum, raforkudreifingu og öðrum tengdum búnaði raforkukerfisins. Æskilegt er að farnar verði vettvangsferðir í orkuver og dreifistöðvar.
RAMV2VB04DV
Nemandi skal hafa öðlast þekkingu og skilning á:
uppbyggingu og vinnumáta eins og þriggja fasa spenna.
uppbyggingu og virkni helstu íhluta í varnarbúnaði raforkukerfa almennt og í skipum.
uppbyggingu raforkukerfis landsins og einstökum hlutum þess.
hvernig varnarbúnaður rafkerfa vinnur.
Nemandi skal hafa öðlast leikni í að:
tengja og bilanagreina spenna.
útskýra uppbyggingu og vinnumáta spenna.
útskýra uppbyggingu og virkni helstu íhluta í varnarbúnaði raforkukerfa.
útskýra uppbyggingu raforkukerfis landsins.
einangra og jarðtengja hluta raforkukerfa áður en unnið er við þau.
Nemandi skal geta hagnýtt þá almennu þekkingu og leikni sem hann hefur aflað sér til að:
stjórna stórum raforkukerfum skipa.
vinna með öðrum að þjónustu við rafkerfi landsins.
greina bilanir í varnarbúnaði rafkerfa.
lýsa og gera skýra grein fyrir uppbyggingu og virkni spenna og varnarbúnaði þeirra.
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.