Nemendur öðlast þekkingu og skilning á uppbyggingu á kötlum og búnaði sem þeim fylgir. Farið er yfir virkni katla og þau öryggisatriði sem nauðsynleg eru til að rekstur þeirra standist kröfur og sé sem öruggastur. Nemendur fá þjálfun í að reikna út nýtni, hitaflöt og loftþörf katla og þjálfast í að vinna úr niðurstöðum sem fást úr reykgreiningu. Nemendur öðlast þekkingu á gufu og eðli hennar, t.d. hvað átt er við með eimunarvarma, rökum eim, mettuðum eim og yfirhituðum eim.
VÉLF2VB04BV
Nemandi skal hafa öðlast þekkingu og skilning á:
mismunandi gerðum eimkatla.
uppbyggingu eimkatla, einstökum þáttum í gerð þeirra og búnaði sem þeim tengist.
stjórn- og öryggisbúnaði sem tengist rekstri eimkatla.
mikilvægi þess að ketilvatnið valdi ekki skaða á katlinum.
þeim þáttum sem ráða nýtni katla.
aðferðum við hreinsun og viðhald á eimkötlum.
aðferðum við reykgreiningu.
Nemandi skal hafa öðlast leikni í að:
útskýra mismunandi gerðir eimkatla og búnað sem þeim fylgir.
reikna nýtni katla, hitaflöt þeirra og loftþörf.
útskýra eimunarvarma, rakan eim, mettaðan eim og yfirhitaðan eim.
nota búnað sem hreinsar reyk frá kötlum.
framkvæma reykgreiningu.
annast og meðhöndla allan öryggisbúnað katla.
Nemandi skal geta hagnýtt þá almennu þekkingu og leikni sem hann hefur aflað sér til að:
sjá um rekstur eimkatla.
kynda ketil með þeim hætti að sem best nýting náist við rekstur hans.
lýsa með skýrum hætti hvernig katlar eru sóthreinsaðir.
stilla ketil með hliðsjón af niðurstöðum reykgreininga.
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.