Áfanginn fjallar um ýmis viðfangsefni náttúrufræða. Honum er m.a. ætlað að efla þekkingu nemandans á upphafi alheims og stöðu jarðar í sólkerfinu. Nemendur kynnast stjörnu- og veðurfræði. Áhersla er lögð á að nemendur fræðist um íslenska náttúru og einkenni hennar, s.s. lífríki landsins og fjölbreytni þess. Fæðukeðjur eru útskýrðar og fjallað um nýtingu lands og sjávar. Fjallað er um dýr sem lifa á Íslandi, bæði villt dýr sem og húsdýr.
Nemandi skal hafa öðlast þekkingu og skilning á:
tilurð alheimsins út frá stjarnfræðilegum vísindum
almennum hugtökum stjörnufræðinnar
almennum hugtökum veðurfræðinnar
áhrifum veðurfars á lífríki jarðar
samspili manns og náttúru
fjölbreytileika og einkennum íslenskrar náttúru
einkennum íslenskra húsdýra, afkvæmum og fæðu, nytjum og afurðum
villtum dýrum í náttúru Íslands, einkennum og lifnaðarháttum þeirra
fuglum í náttúru Íslands
Nemandi skal hafa öðlast leikni í að:
greina stöðu jarðar í sólkerfi okkar
telja upp helstu stjörnur í sólkerfi okkar
lesa veðurkort
skýra hringrás vatns, kolefnis og súrefnis í vistkerfi jarðarinnar
nota einföld hugtök úr náttúruvísindum
greina helstu tegundir íslenskra fugla
Nemandi skal geta hagnýtt þá almennu þekkingu og leikni sem hann hefur aflað sér til að:
vera meðvitaður um sérstöðu jarðarinnar í sólkerfinu
leita sér upplýsinga um veðurfar sem koma að gagni í daglegu lífi
taka upplýstar ákvarðanir og ábyrgð á eigin hegðun í samspili við náttúruna
þekkja afurðir íslenskra húsdýra sem hluta af daglegri neyslu
þroska með sér virðingu fyrir lífi, náttúru og umhverfi
vera forvitinn um umhverfi sitt og náttúru
Símat sem byggir á áhuga og virkni nemanda við ýmis konar verkefnagerð.