Áhersla er lögð á að nemendur vinni með fjölbreytta og flókna texta, og dýpki skilning sinn á enskri tungu og menningu í Bandaríkjunum. Í tengslum við það verður unnið með rauntexta, fréttatexta, heimildarmyndir, smásögur, skáldsögu o.fl., sem túlkað verður út frá menningarlegu samhengi. Nemendur kynnast fjölmenningarsamfélaginu, Bandaríkjunum, og verður áherslan á innflytjendamenningu, sér í lagi innflytjendur af afrískum uppruna, þ.e. afkomendur þræla. Nemendur halda áfram að tileinka sér grunnorðaforða daglegs máls, tjá hugsun sína skýrt í ræðu og riti og rökstyðja skoðanir sínar. Unnið er markvisst að því að efla sjálfstæði nemenda í námi og því að hver nemandi finni eigin leiðir til að ná árangri í náminu og setji sér markmið. Nemendur vinna í auknum mæli sjálfstætt að viðameiri verkefnum, svo sem þematengdu efni o.fl., sem fela í sér öflun upplýsinga á bókasafni, á Netinu og margmiðlunarefni. Áfram er lagður grunnur að lýðræðislegri hugsun þar sem nemendur notast við sjálfsmat og jafningjamat í námi.
Nemandi skal hafa öðlast þekkingu og skilning á:
orðaforða í ræðu og riti sem gerir honum kleift að tileinka sér með góðu móti lesefni í áframhaldandi námi eða starfi
ólíkum viðhorfum og gildum og hvernig þau móta menninguna í Bandaríkjunum
sögu, þjóðfélagsfræði og menningu
Nemandi skal hafa öðlast leikni í að:
lesa sér til fræðslu og/eða ánægju texta sem gera miklar kröfur til lesendans, bæði hvað varðar orðaforða og uppbyggingu
greina sögulegt, félagslegt, menningarlegt eða pólitískt samhengi í texta
nýta sér fyrirlestra, umræður og rökræður um efni fræðilegs og menningarlegs eðlis
átta sig á mismunandi málsniði og stíl í töluðu máli og undirliggjandi merkingu, viðhorfum og tilgangi þess sem talar
Nemandi skal geta hagnýtt þá almennu þekkingu og leikni sem hann hefur aflað sér til að:
beita málinu af lipurð og kunnáttu til þess að geta tekið fullan þátt í umræðum og rökræðum þar sem fjallað er um persónuleg, menningarleg, félagsleg og fjölmenningarleg efni
flytja vel uppbyggða frásögn, kynningu eða greinagerð, draga fram aðalatriði og rökstyðja mál sitt nokkuð nákvæmlega með dæmum og bregðast við spurningum
lýsa skýrt og greinilega flóknum hlutum eða ferlum á sviði sem þeir hafa kynnt sér
skrifa texta með röksemdarfærslu þar sem fram koma rök með og á móti og þau eru vegin og metin
Leiðsagnarnám. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.