Það kom upp villa senda inn  Áfangi

    Áfangi Nánari upplýsingar


    Búið til: 1503407949.4

    Bridds - byrjunaráfangi
    BRID1BY03
    1
    Bridds
    Byrjendaáfangi
    Samþykkt af skóla
    1
    3
    Í þessum grunnáfanga í bridds er farið í alla helstu grunnþætti spilsins. Nemendur byrja á því að læra einfaldaða útgáfu sem nefnist míníbridds þar sem stigagjöf, spilamat, úrspilun og vörn eru í forgrunni. Í framhaldi af því er farið að spila hefbundið bridds með notkun sagnkerfis. Í þessum grunnáfanga læra nemendur Standard sagnkerfið í nokkuð einfaldri mynd. Í kennslustundum er blandað saman æfingum og spilamennsku. Töluvert er spilað á internetinu og skrá nemendur sig á BridgeBase þar sem hægt er að setja upp ákveðna tegund af spilahöndum og greina síðan spilin í hópumræðum á eftir. Í lok áfangans er stefnt að því að nemendur spili annað hvort í byrjendamóti eða einhvers konar keppni.
    Nemandi skal hafa öðlast þekkingu og skilning á:
    • Mínibridds
    • grunnreglum í Bridds
    • mismunandi stigakerfum
    • standard sagnkerfinu
    • notkun sagnabakka og hegðunarreglum við spilaborðið
    • notkun briddsforrita á netinu og hegðunarreglum í netheimum
    Nemandi skal hafa öðlast leikni í að:
    • meta styrk spila og tjá þann styrk með sagnkerfi
    • vinna með spilafélaga til að ná réttum samningi
    • gera spilaáætlun sem sagnhafi til að ná hámarksfjölda slaga
    • vinna með spilafélaga í vörn með leyfilegum merkingum
    • reikna út stig á mismunandi formi
    Nemandi skal geta hagnýtt þá almennu þekkingu og leikni sem hann hefur aflað sér til að:
    • sýna samvinnu og umburðarlyndi með spilafélögum
    • vinna skipulega að settum markmiðum
    • þróa sinn eigin spilastíl
    • þróa hæfni í áætlunargerð
    • spila bridds sér til ánægju og yndisauka
    Leiðsagnarmat. Fjölbreytt verkefni metin yfir önnina. Áhersla á umsagnir og endurgjöf. Engin skrifleg lokapróf.