Áfanganum er ætlað að kynna nemendum sálfræði sem fræðigrein, starfssvið hennar og helstu undirsvið. Helstu sálfræðistefnur og grunnhugtök eru kynnt auk nokkurra vel valinna viðfangsefna sem áhrif hafa haft á sögu og þróunar fræðigreinarinnar. Nemendur kynnast helstu rannsóknaraðferðum sálfræðinnar og þeim hugmyndum sem þar liggja að baki. Stefnt er að því að nemendur fái þjálfun í að beita þessum aðferðum með gerð einfaldrar rannsóknar og framsetningu á niðurstöðum hennar.
Fimm fein. í félagsvísindum á 1. þrepi.
Nemandi skal hafa öðlast þekkingu og skilning á:
þróun fræðigreinarinnar sálfræði
grundvallarhugmyndum sem móta kenningar í sálfræði
helstu frumkvöðlum í greininni
víðfeðmi sálfræðinnar og helstu undirgreinum hennar
leiðum sálfræðinnar til að útskýra hugsun, hegðun og tilfinningar manneskjunnar
mótunaröflum einstaklinga og hópa
Nemandi skal hafa öðlast leikni í að:
beita algengustu hugtökum sálfræðinnar á skýran og skilmerkilegan máta
skoða eigin hugsun, hegðun og tilfinningar út frá grundvallarhugmyndum sálfræðinnar
tjá kunnáttu sína á munnlegan og skriflegan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir mótunaráhrifum umhverfis á sjálfan sig og aðra
gera sér grein fyrir samspili hegðunar, hugsunar og tilfinninga
geta með einföldum hætti tengt sálfræðilega þekkingu á eigin sjálfsmynd
tjá sig skipulega og gagnrýnið um einstaka efnisþætti sálfræðinnar
geta framkvæmt einfalda rannsókn og áttað sig á helstu niðurstöðum
Námsmat er útfært í kennsluáætlun í samræmi við skólanámskrá.