Áfanganum er ætlað að dýpka innsæi og skilning á gerð og frágangi flókinna burðarvirkis‐ og byggingahlutateikninga þannig að nemandi geti sjálfstætt unnið upp burðarþolsteikningar og gengið frá þeim í teikningasett. Nemandinn er þjálfaður markvisst í öguðum og sjálfstæðum vinnubrögðum. Farið er ítarlega í notkun á utanaðkomandi tilvísunum og samskiptatækni á milli teikninga með tilliti til öflunar og notkunar upplýsinga úr öðrum teikningum.
BURT3TT04BB
Nemandi skal hafa öðlast þekkingu og skilning á:
flestum gerðum burðarþolsuppdrátta.
hugbúnaði sem algengt er að nota við gerð burðarvirkis‐ og byggingahlutateikninga.
Nemandi skal hafa öðlast leikni í að:
aðlaga samsetningar byggingahluta í samráði við hönnuð.
setja saman teikningasett til útprentunar.
Nemandi skal geta hagnýtt þá almennu þekkingu og leikni sem hann hefur aflað sér til að:
vinna og ganga frá burðarvirkis‐ og byggingahlutateikningum.
sækja/afla upplýsinga úr öðrum teikningum og teikningum annarra fagsviða og nota í eigin teikningum.
Símat sem byggir á verkefnum, skyndipróf og/eða lokapróf.