Í áfanganum er lögð áhersla á almenna undirstöðuþekkingu og þjálfun í teiknifræðum. Nemendur læra grunnatriði fallmyndunar með áherslu á hornrétta fallmyndun, marghliða myndir þ.m.t. fram‐, hliðar‐ og ofanmyndir auk sneiðinga. Þá þjálfast þeir í meðferð og notkun textagerða og málsetninga, lestri teikninga og fá grunnþjálfun í gerð einfaldra teikninga. Nemendur þjálfast í grunnatriðum í útflatningsteikningum.
Nemandi skal hafa öðlast þekkingu og skilning á:
eðli fallmyndunar (hornréttrar fallmyndunar og skámyndunar).
undirstöðuatriðum í gerð einfaldra tvívíðra teikninga út frá þrívíðum fyrirmyndum.
upplýsingamiðlun með tæknilegum teikningum.
Nemandi skal hafa öðlast leikni í að:
vinna myndrænt með form.
skipuleggja, árita og ganga frá einföldum tæknilegum teikningum og miðla upplýsingum á skilvirkan hátt.
Nemandi skal geta hagnýtt þá almennu þekkingu og leikni sem hann hefur aflað sér til að:
gera útflatninga af helstu grunnformum.
vinna og lesa teikningar í ýmsum fallmyndum.
Símat sem byggir á verkefnum, skyndipróf og/eða lokapróf.