Í áfanganum eru kynnt undirstöðuatriði í gerð teikninga vatns,‐ hita- og frárennslislagna. Nemendur fá grunnþjálfun í gerð slíkra teikninga á grundvelli hefðbundinna staðla og teiknireglna. Þeir læra um vatns‐ og hitalagnir í húsum og mannvirkjum. Fjallað er um mismunandi mælikvarða, númerakerfi, hugtakanotkun og annað sem tilheyrir lagnateikningum. Lögð er áhersla á mikilvægi merkinga, línugerða og upplýsinga sem þurfa að vera á lagnateikningum. Einnig kynnast nemendur helstu efnum sem notuð eru í mismunandi lagnir í hús og mannvirki. Fjallað er um mismunandi lagnakefi svo sem rör í rör kerfi og gólfhitakerfi.
Nemandi skal hafa öðlast þekkingu og skilning á:
undirstöðuatriðum við gerð lagnateikninga, vatns-, hita- og frárennslislagna.
þeim efnum sem notuð eru í lagnir fyrir hús og mannvirki.
Nemandi skal hafa öðlast leikni í að:
teikna upp grunnmyndir lagnakerfa.
teikna upp rúmmyndir lagnakerfa.
Nemandi skal geta hagnýtt þá almennu þekkingu og leikni sem hann hefur aflað sér til að:
kunna skil á gerð einfaldra vatns-, hita- og frárennslislagna.
nota númerakerfi, hugtök og helstu mælikvarða lagnateikninga.
kunna skil á lagskiptingum, merkingum og línugerðum lagnateikninga.
kunna skil á helstu efnum sem notuð eru í mismunandi lagnir í hús og mannvirki.
Símat sem byggir á verkefnum, skyndipróf og/eða lokapróf.