Áfanginn gefur nemendum innsýn í hvað bókband stendur fyrir í dag, hvað felst í starfi
bókbindara og hver eru helstu verkefni þeirra. Bókband er lokaverkþáttur prentverksins og
nemendur kynnast ólíkum vinnslumöguleikum varðandi lokafráganginn. Verkefnin í áfanganum
felast í kynningu á mismunandi vinnsluaðferðum bókbands með tilliti til véla- og tækjakosts,
pappírsmeðferðar, undirstöðuatriða í skurðarvinnu, grunnatriða við vinnu við brotvélar,
handbókbands og hand‐ og vélagyllingar. Kynntir eru staðlar fyrir pappírsstærðir og lögð áhersla á val á pappír miðist við fyrirhugaða notkun. Fjallað er um framleiðslu pappírs og enduvinnsluferla hans.
Engar
Nemandi skal hafa öðlast þekkingu og skilning á:
starfi bókbindara.
vinnslustigum á verkferlum bókbands.
hvað bókband stendur fyrir í dag.
grunnverkþáttum bókbands.
starfssviði og starfsumhverfi innan upplýsinga‐ og fjölmiðlagreina.
þeim námsleiðum sem taka við að loknu grunnnámi upplýsinga‐ og fjölmiðlagreina.
öryggisreglum við vélavinnu.
hvernig bækur eru handbundnar.
Nemandi skal hafa öðlast leikni í að:
meðhöndla pappír varðandi stokkun og trefjastefnu.
vinna við grunnatriði skurðarvinnu.
vinna við einfalda brotvélavinnu.
vinna við einfalda handbókbandsvinnu.
vinna við grunnatriði hand‐ og vélagyllingar.
afla sér þekkingar með sjálfstæðum vinnubrögðum.
vinna í hóp.
Nemandi skal geta hagnýtt þá almennu þekkingu og leikni sem hann hefur aflað sér til að:
vinna einfalda bókbandsvinnu ýmissa prentgripa.
velja og beita mismunandi vinnsluaðferðum í bókbandi.
skilja vinnsluferlið með tilliti til stafrænnar vinnslu.
geta valið pappírstegundir almennt í framleiðsluferlinu.