Það kom upp villa senda inn  Áfangi

    Áfangi Nánari upplýsingar


    Búið til: 1506510609.87

    Námstækni og hvatning
    NÁMI1NH05
    3
    Námstækni og hvatning
    Námstækni og hvatning 1
    Samþykkt af skóla
    1
    5
    Í áfanganum er áhersla lögð á mikilvægi vinnulags í námi og í því sambandi fjallað um námstækni og skipulag varðandi markmið í námi. Nemendur vinna að gerð bæði langtíma- og skammtímamarkmiða. Fjallað verður um sjálfsmynd og mikilvægi sjálfsþekkingar. Áhersla er lögð á fræðslu um heilbrigðan lífsstíl, námsörðugleika og þrautseigju. Fjallað verður sérstaklega um ýmsar raskanir, s.s. leshamlanir og athyglisvanda, sem geta haft áhrif á nám og sjálfsmynd.
    Nemandi skal hafa öðlast þekkingu og skilning á:
    • góðum vinnubrögðum og mikilvægi námstækni og markmiðssetningar
    • tengslum sjálfsþekkingar og náms- og starfsvals
    • eigin styrkleikum og veikleikum
    • áhrifaþáttum sjálfsmyndar.
    Nemandi skal hafa öðlast leikni í að:
    • rýna í eigin sjálfsmynd og meta eigin stöðu
    • beita árangursríkum vinnubrögðum í námi og setja sér raunhæf markmið
    • taka ábyrgð á sjálfum sér í námi
    • nýta styrkleika sína í námi.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • greina og meta sjálfan sig á raunhæfan hátt og setja sér markmið með tilliti til áhugasviðs, styrkleika og veikleika
    • nýta hagnýtar aðferðir til að vinna gegn truflandi einkennum eigin raskana (ef við á)
    • nota árangursríka námstækni, stjórna einbeitingu, beita mismunandi minnisaðferðum, skipuleggja og undirbúa próflestur, glósutækni, lestrartækni og tímastjórnun
    • bæta ákvarðanatöku í daglegu lífi
    • leita sér upplýsinga er snerta hans daglega líf
    • ljúka skilgreindu námi.
    Námsmat er útfært í kennsluáætlun í samræmi við skólanámskrá