Í þessum áfanga kynnast nemendur því að fara út að ganga í náttúrunni, njóta hennar og sigrast á sjálfum sér. Lögð er áhersla á að byggja upp gönguþrek og úthald. Nemendur fræðast um hagnýta hluti sem tengjast gönguferðum og fjallgöngum og upplifi íslenska náttúru í góðum félagsskap. Nemendur fræðast um náttúruna og læri að bera virðingu fyrir henni. Lögð er áhersla á að fræða nemendur um mikilvægi þess að vera í góðu líkamlegu og andlegu formi, útbúnað, fyrstu hjálp, mataræði og ferðaáætlun. Markmið námsins er að hafa uppbyggjandi áhrif á líkamlega heilsu og andlega og félagslega líðan. Áfanginn byggist á því að styrkja sjálfsmynd nemanda og auka vellíðan hans með fjallgöngum.
Nemandi skal hafa öðlast þekkingu og skilning á:
Gildi útivistar og hreyfingar fyrir heilsu og vellíðan með því að byggja markvisst upp gönguþrek og úthald.
Almennum búnaði til styttri ferða á fjöllum og í nærumhverfi.
Mikilvægi þess að taka tillit til veðurfars á gönguleiðum og ganga vel um náttúruna.
Nemandi skal hafa öðlast leikni í að:
Að undirbúa gönguferðir hvað varðar viðeigandi útbúnað og nesti.
Þekkja náttúru á völdum gönguleiðum, t.d. hvað varðar gróður, dýralíf og jarðsögu.
Að skipuleggja og geta tekið þátt í fjallgöngum og farið í styttri gönguferðir, einn eða með fjölskyldu og vinum
Nemandi skal geta hagnýtt þá almennu þekkingu og leikni sem hann hefur aflað sér til að:
Að fara í styttri gönguferðir, einn eða með fjölskyldu og vinum.
Að meta og ákveða hvaða búnað þarf til ferðar og safna saman upplýsingum um væntanlega göngu.
Að geta nýtt þekkingu sína um heilsusamleg áhrif útivistar og fjallamennsku.
Að vera meðvitaður um umhverfi sitt og læra að njóta þess.
Mæting gildir 70 %.
Ástundun og kennaraeinkunn 30 %.
Við mat á ástundun og kennaraeinkunn er tekið tillit til framfara, framkomu, áhuga, vinnu og virkni í tímum.