Lögð er áhersla á líkamsrækt í tækjasal og hópíþróttir. Unnið verður með styrk, úthald og heilsueflingu. Markmiðið er að nemendur geti sjálfir stundað íþróttir sér til ánægju og heilsubótar. Spjaldtölvur eða snjallsímar eru mikilvæg hjálpargögn. Nemendur skipuleggja sólarhringsferð þar sem farið verður í skipulagðar gönguferðir og lögð áhersla á samveru.
Nemandi skal hafa öðlast þekkingu og skilning á:
gildi hreyfingar
uppbyggingu líkamsræktartíma
tækjum í tækjasal
að útivist er leið til heilsueflingar
félagslegu gildi útivistar
Nemandi skal hafa öðlast leikni í að:
nota snjalltæki til að skipuleggja æfingatíma
gera fjölbreyttar æfingar
taka tillit til annarra
fylgja fyrirmælum og reglum
ganga lengri vegalengdir
nýta snjalltæki til að kortleggja útivist
vinna með öðrum og sýna samkennd
Nemandi skal geta hagnýtt þá almennu þekkingu og leikni sem hann hefur aflað sér til að:
velja leiðir til heilsueflingar
bera ábyrgð á skipulagi og framkvæmd eigin líkamsræktar
gera sér grein fyrir að útivist er leið til heilsueflingar
Námsmat er útfært í námsáætlun í samræmi við skólanámskrá