Fjallað er um uppbyggingu og virkni staðarneta (LAN) , víðneta ( WAN ) og rauntímaneta með uppsetningu, viðhald og þjónustu í huga. Farið er nákvæmlega í OSI-módelið og unnin verkefni með hjálp ýmissa netgreiningaforrita ásamt því að kennd og æfð er sú tækni sem notuð er við bilanaleit á staðar og víðnetum. Æfðar eru uppsetningar á netbúnaði, netþjónustum, netkortum, kapallögnum, svissum og beinum og hvernig villur í uppsetningum lýsa sér ásamt lausn þeirra með hjálp netgreiningaforrita. Lögð er áhersla á net og margmiðlunarþjónustur heimila og minni fyrirtækja.
Í lok þessa áfanga þekkir nemandinn uppbyggingu og virkni þessara neta, ásamt því að kunna skil á þeim búnaði sem notaður er við bilanaleit á netum og helstu aðferðum við bilanaleit.
Nemandi skal hafa öðlast þekkingu og skilning á:
LAN netum og WAN netum
rauntímaneti
hugbúnaði til greiningar á netumferð
samskiptareglum og netþjónustum
netkerfum heimili og minni fyrirtækja
Nemandi skal hafa öðlast leikni í að:
greina netkerfi með þar til gerðum verkfærum og hugbúnaði
setja upp netbúnað með kortum, lögnum, svissum og beinum.
setja upp einfalt CAN netkerfi
Nemandi skal geta hagnýtt þá almennu þekkingu og leikni sem hann hefur aflað sér til að:
þróa og setja upp lítið staðarkerfi (LAN)
setja upp (WAN) kerfi
þróa og setja upp rauntíma netkerfi
beita hugbúnaði til bilanagreiningar
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.