Nemendur læra grundvallaratriði í þriðja kynslóðar forritunarmáli eins og C og hvernig hægt er að nota það til að forrita smátölvur(Microcontrollers). Nemendur setja upp þróunarumhverfi og annan hugbúnað sem þarf til hugbúnaðargerðar, bæði fyrir smátölvur og litlar PC tölvur. Unnið er með grunnatriði í forritun eins og lykkjur, val og ítrekun. Unnin eru einföld forritunarverkefni þar sem horft er á ýmiskonar sjálfvirkni og stýringar.
Nemandi skal hafa öðlast þekkingu og skilning á:
samþættingu véla og tölva
þriðja kynslóðar forritunarmáli
grunnatriðum í forritun
notkun flæðirita
Nemandi skal hafa öðlast leikni í að:
forrita einfaldar skipanir í þriðja kynslóðar forritunarmáli
þýða forrits kóða og setja forrit upp á smátölvum.
vinna með flæðirit.
Nemandi skal geta hagnýtt þá almennu þekkingu og leikni sem hann hefur aflað sér til að:
setja upp flæðirit fyrir forrit
skrifa forrit eftir flæðiriti
skrifa einföld stýriforrit.
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.