Í áfanganum er lögð áhersla á lestur og umfjöllun Íslendingasagna. Nemendur rýna í texta og skilgreina hugtök. Þeir velja sér einnig kjörbók til yndislestrar. Lögð verður áhersla á sjálfstæð vinnubrögð auk samvinnu nemenda. Fjölbreyttar nálganir og sköpun verður virkjuð. Nemendur nýta sér hljóðbækur og talgervla við námið.
Nemandi skal hafa öðlast þekkingu og skilning á:
varðveislu Íslendingasagna
aðstæðum fólks á tímum Íslendingasagna
innihaldi og söguþræði umfjöllunarefnisins
mikilvægi lestrar í daglegu lífi
Nemandi skal hafa öðlast leikni í að:
beita þekkingu sinni í umræðu um efni áfangans
njóta yndislestrar
nota talgervil, hljóðbækur og aðra tækni við námið
Nemandi skal geta hagnýtt þá almennu þekkingu og leikni sem hann hefur aflað sér til að:
greina innihald og söguþráð
gera sér grein fyrir þeim breytingum sem hafa orðið á lífskjörum fólks frá landnámi
nota bækur sér til yndislestrar
nýta þá tækni sem auðveldar námið
Námsmat er útfært í námsáætlun í samræmi við skólanámskrá