Fjallað verður um Suðurland með áherslu á Árnes- og Rangárvallasýslu. Lykilþættir átthagafræðinnar eru náttúra, landhættir, saga og menning. Mikilvægt er að nemendur þekki sögu héraðsins frá fornu fari en ekki síður að þeir kynnist samfélagi nútímans og þeim möguleikum sem héraðið hefur, sé litið til framtíðar. Lögð er áhersla á að nemendur upplifi nærsamfélagið með jákvæðum samskiptum og samstarfi við t.d. einstaklinga, félagasamtök, fyrirtæki og stofnanir.
Engar
Nemandi skal hafa öðlast þekkingu og skilning á:
sveitarfélögum í héraði, s.s. íbúafjölda, helstu staði, stofnanir, söfn, fyrirtæki og félagasamtök
sögu, náttúrufari og menningu héraðsins
Nemandi skal hafa öðlast leikni í að:
afla sér fjölbreyttra upplýsinga í ýmsum miðlum um nærumhverfi sitt
vinna sjálfstætt og með öðrum
ræða um nærumhverfi sitt af umburðarlyndi og virðingu fyrir sjónarmiðum annarra
koma fram fyrir hóp og kynna verkefni sín
Nemandi skal geta hagnýtt þá almennu þekkingu og leikni sem hann hefur aflað sér til að:
kunna skil á helstu náttúruperlum héraðsins
geta kynnt áhugaverða staði í héraði frammi fyrir hópnum
geta sagt frá einum atburði í sögu héraðsins
geta kynnt helstu stofnanir, fyrirtæki og félagasamtök í héraði
Áfanginn er án lokaprófs. Mikið er lagt upp úr þátttöku í umræðum og virkni í tímum. Virkni og verkefnavinna eru metin til einkunnar; einkunnagjöf er staðist/fallið auk umsagnar.
Góð mæting og stundvísi, vinnusemi og vandvirkni eru forsendur þess að góður árangur náist.