Í áfanganum er lögð áhersla á að nemendur þjálfist í grunnþáttum tungumálsins, þ.e. lestur, tal og hlustun, með það fyrir augum að auka skilning og byggja upp orðaforða. Nemendur lesa nokkrar bækur og eftir lestur hverrar bókar er horft á kvikmynd um sama efni með ensku tali og texta. Lögð er áhersla á sjálfstæð vinnubrögð auk samvinnu nemenda. Fjölbreyttar nálganir og sköpun verður virkjuð.
Nemandi skal hafa öðlast þekkingu og skilning á:
orðaforða sem tengjist viðkomandi sögum
innihaldi viðkomandi sagna
tengslum kvikmynda og skáldsagna
Nemandi skal hafa öðlast leikni í að:
beita þekkingu sinni til að ræða innihald texta
geta tjáð sig á ensku um viðkomandi efni
nota talgervil, hljóðbækur og aðra tækni við námið
Nemandi skal geta hagnýtt þá almennu þekkingu og leikni sem hann hefur aflað sér til að:
nota enskar bækur sér til yndislestrar
átta sig á merkingu texta
taka þátt í umræðum á ensku um viðkomandi efni
Námsmat er útfært í námsáætlun í samræmi við skólanámskrá