Markmið áfangans er að viðhalda og byggja ofan á kunnáttu og færni sem nemendur hafa.
Áhersla er lögð á færni nemenda í upplýsingaöflun sem nýtist í daglegu lífi.
Unnið er með hlustunarefni, lesefni, myndefni og tónlist af margvíslegu tagi. Skriflegar æfingar eru gerðar við hæfi hvers og eins.
Mikil áhersla er lögð á að nemendur nýti sér alla tiltæka námstækni svo sem rafrænar orðabækur, talgerfla, hljóðbækur og fjölbreytt margmiðlunarefni.
ENSK1XA04
Nemandi skal hafa öðlast þekkingu og skilning á:
algengum orðum og orðasamböndum í töluðu og rituðu máli
notkun margmiðlunarefnis og rafrænum kennslutækjum
Nemandi skal hafa öðlast leikni í að:
skilja talað mál um kunnugleg efni þegar talað er skýrt og áheyrilega
lesa ýmiss konar texta á eigin áhugasviði eða texta um kunnugleg efni
skrifa samfelldan texta um efni sem hann þekkir eða hefur áhuga á
tjá sig munnlega og/eða skriflega um málefni sem hann hefur kynnt sér
nota upplýsingatækni og hjálpargögn í tungumálanámi
Nemandi skal geta hagnýtt þá almennu þekkingu og leikni sem hann hefur aflað sér til að:
skilja einfalt daglegt mál, fjölmiðlaefni og annað efni við hæfi
fylgjast með frásögnum og erindum og ná aðalatriðum úr fjöl- og myndmiðlum ef efnið er kunnuglegt og geta dregið ályktanir af því
afla sér upplýsinga á netinu eða í fjölmiðlum til notkunar í daglegu lífi
lesa sér til ánægju og þroska og geti tjáð skoðun sína á lesnu efni
miðla eigin þekkingu, skoðunum og tilfinningum sem og persónulegri reynslu, vonum og væntingum
skrifa um ímyndaða og raunverulega atburði, aðstæður og áhugamál
Námsmatið er einstaklingsmiðað, s.s. leiðsagnarmat, jafningjamat og sjálfsmat. Regluleg endurgjöf er frá kennara á vinnuframlag nemenda hvað varðar verkefnaskil, virkni í kennslustundum, mætingu og ástundun. Einnig er lokapróf.