Markmið áfangans er að nemendur kynnist enskumælandi löndum, mannlífi, menningu, tónlist, kvikmyndum, náttúrufari og helstu atvinnuháttum.
Unnið er með mannlíf og menningu, náttúrufar og atvinnuhætti á fjölbreyttan, skapandi og hagnýtan hátt.
Áhersla er lögð á færni nemenda til að vera sjálfbjarga við raunverulegar aðstæður á erlendri grundu.
Mikil áhersla er lögð á að nemendur nýti sér alla tiltæka námstækni svo sem rafrænar orðabækur, talgerfla, hljóðbækur og fjölbreytt margmiðlunarefni.
ENSK1XB04
Nemandi skal hafa öðlast þekkingu og skilning á:
ólíkum menningarsvæðum, mannlífi og daglegum aðstæðum
málnotkun í daglegum aðstæðum í völdum enskumælandi löndum
Nemandi skal hafa öðlast leikni í að:
skilja einfalt mál sem talað er með mismunandi framburði og við mismunandi aðstæður
skilja algengustu orð og orðasambönd sem notuð eru við daglegar aðstæður
skrifa samfelldan texta um efni sem hann hefur kynnt sér og tengist markmiðum áfangans
tjá sig munnlega um málefni sem hann hefur kynnt sér
nota upplýsingatækni og hjálpargögn í tungumálanámi sínu
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á helstu menningarsvæðum þar sem enska er notuð sem móðurmál
skilja ólík viðhorf og gildi og hvernig þau móta menningu í helstu enskumælandi löndum
skilja ólík viðhorf og gildi og hvernig þau móta menningu í helstu enskumælandi löndum
nota tungumálið til að gera sig skiljanlegan, bæði munnlega og skriflega
afla sér upplýsinga á netinu eða fjölmiðlum í tengslum við ólík menningarsvæði
miðla eigin þekkingu og skoðunum munnlega og/eða skriflega
Námsmatið er einstaklingsmiðað, s.s. leiðsagnarmat, jafningjamat og sjálfsmat. Regluleg endurgjöf er frá kennara á vinnuframlag nemenda hvað varðar verkefnaskil, virkni í kennslustundum, mætingu og ástundun. Einnig er lokapróf.