Umhverfismennt, eldgos, jarðskjálftar, orka og virkjanir
Samþykkt af skóla
1
4
Meginviðfangsefnin eru þrjú talsins:
Í fyrsta lagi orka og virkjarnir: Helstu orkugjafar heimsins eru kynntir, fjallað er um virkjanir og græna orku. Farið er í heimsókn í virkjun. Nemendur afla sér upplýsinga um virkjanir á Íslandi og kynna þær fyrir samnemendum sínum.
Í öðru lagi jarðskjálftar og eldgos: Fjallað er um lagskiptingu jarðar og flekahreyfingar hennar. Helstu jarðskjálfta- og eldgosasvæði heims eru kynnt, auk þess sem áhersla er lögð á nærumhverfi nemenda. Nemendur afla sér upplýsinga um jarðskjálfta eða eldgos og kynna þær fyrir samnemendum sínum.
Í þriðja lagi umhverfismennt: Fjallað er um umhverfið, náttúruvernd, þjóðgarða, líffræðilegan fjölbreytileika og útdauðar tegundir, flokkun og endurvinnslu, fólksfjölgun, mengun og vistspor.
Engar
Nemandi skal hafa öðlast þekkingu og skilning á:
helstu orkugjöfum heims og sögu og tegundum virkjana á Íslandi
lagskiptingu, hreyfingu og flekaskilum jarðar
orsökum jarðskjálfta og eldgosa, afleiðingum og viðbrögðum við þeim
umhverfismálum, mikilvægi góðrar umgengi og virðingar mannsins fyrir jörðinni
umhverfisvernd og ábyrgð neytenda í umhverfismálum
Nemandi skal hafa öðlast leikni í að:
afla sér fjölbreyttra upplýsinga í ýmsum miðlum um jörðina, mannlíf og mannvirki
vinna sjálfstætt og með öðrum
ræða um afmarkmörkuð viðfangsefni af umburðarlyndi og virðingu fyrir sjónarmiðum annarra
koma fram fyrir hóp og kynna verkefni sín
Nemandi skal geta hagnýtt þá almennu þekkingu og leikni sem hann hefur aflað sér til að:
kunna skil á mismunandi orkugjöfum og áhrifum þeirra á umhverfið
kunna skil á helstu jarðskjálfta- og eldgosasvæðum heimsins og þekkja helstu eldfjöll Íslands
bregðast rétt við náttúruhamförum
sýna ábyrga hegðun gagnvart umhverfi sínu, t.d. með því að vera vistvænn í verki
verða meðvitaður um gildi umhverfisverndar og afleiðingar mengunar
Áfanginn er próflaus. Mikið er lagt upp úr þátttöku í umræðum og virkni í tímum. Virkni og verkefnavinna eru metin til einkunnar; einkunnagjöf er staðist/fallið auk umsagnar.
Góð mæting og stundvísi, vinnusemi og vandvirkni eru forsendur þess að góður árangur náist.